अखिल र युवा संघको चेतावनी: मोहन बस्नेतले जबरजस्ती स्वास्थ्य चौकी उद्घाटन गरे प्रतिकार गर्ने

काठमाडौं । भ्रष्टाचार अभियक्त कांग्रेस नेता एवम् पूर्वमन्त्री मोहनबहादुर बस्नेतले सिन्धुपाल्चोकको सुनकोशी गाउँपालिकास्थित ठोकर्पामा बनेको स्वास्थ्यचाकी भवन उद्घाटन गर्ने विषयले अहिले निकै चर्चा पाइरहेको छ । सुनकोशी गाउँपालिकासँगै नेकपा एमाले र माओवादी केन्द्रले विज्ञप्तिनै जारी गरेर ‘जबरजस्त स्वास्थ्यचौकी उद्घाटन नगर्न’ चेतावनी दिएको छ । तर बस्नेत भने जसरी पनि चौकी उद्घाटन गर्ने रणनीतिमा छन् ।

यसैबीच नेकपा एमालेका भ्रातृ संगठन युवा संघ र अनेरास्ववियुले पनि पनि विज्ञप्ति जारी गर्दै उक्त स्वास्थ्यचौकी जबरजस्त उद्घाटन नगर्न आग्रह गरेको छ । उनीहरुले जबरजस्ती उद्घाटन गरे प्रतिकार गर्ने चेतावनी पनि दिएका छन् ।

सुनकोशीका युवा संघ अध्यक्ष रामकाजी खत्री र अनेरास्ववियु अध्यक्ष सुनिल थापाले संयुक्तरुपमा विज्ञप्ति जारी गरेका हुन् ।

बस्नेतविरुद्ध अख्तियार दुरुपयोग अनुसन्धान आयोगले विशेष अदालतमा भ्रष्टाचार मुद्दा दर्ता गरेको छ । मुद्दा दर्ता भएसँगै बस्नेतको सांसद पद निलम्बनमा परेको छ ।

अखिल र युवा संघले प्रतिकार गर्ने