काठमाडौं । नेकपा एमाले युवा विद्यार्थी विशेष जिल्ला कमिटी काठमाडौंले २०८२ सालको क्यालेण्डर विमोचन तथा नयाँ वर्षको शुभकामना आदनप्रदान कार्यक्रम सम्पन्न गरेको छ ।
युवा विद्यार्थी विशेषको कार्यालय बुद्धनगरमा नेकपा एमाले पोलिटब्युरो सदस्य तथा उपत्यका विशेष प्रदेशका कमिटिका इञ्चार्ज सुजिता शाक्यले क्यालेन्डरको विमोचन गरेकी हुन् ।
विमोचन पश्चात शाक्यले ‘यस्ता रचनात्मक कार्य गर्दा पार्टी र कमिटी दुवैको महत्व बढ्छ, पार्टी आन्दोलन उठाउन र जनतामाझ पुग्न सजिलो हुन्छ’ भन्दै यीलगायत अरु कामहरु गर्न सल्लाह दिइन् । शाक्यले ‘मिसन ०८४’ मा लाग्न आग्रह गर्दै सबैलाई एमालेमा एकजुट हुन आग्रह समेत गरिन् ।
उपत्यका विशेष प्रदेश अध्यक्ष प्रेम कुमार पराजुलीले यो जिल्ला कमिटीको महत्व र पावर बढेको बताए ।
प्रचार विभाग प्रमुख किरण देउजाले ‘यो प्रचार विभागको वार्षिक कार्य योजना अन्तर्गतकै कार्यक्रम रहेको र केही समय भित्र नै कमिटीको मुखपत्र निकाल्ने तयारी भएको’ बताए । अर्को प्रसंगमा देउजाले ‘यो कमिटीको ३४ वर्षको इतिहासमा पहिलोपटक यस्ता रचनात्मक कार्य सुरु गरेकोले आगामी दिनमा निरन्तरता दिने’ बताए ।
उक्त कार्यक्रममा उपत्यका विशेष प्रदेशका उपसचिव उर्मिला सुनुवार, प्रदेश सदस्यहरु रमेश भट्टराई, उषा अधिकारी, पेशागत जिल्ला कमिटी अध्यक्ष मोहनकुमार पराजुली लगायतले शुभकामना दिएका थिए ।
उक्त कार्यक्रममा जिल्ला कमिटी सदस्य, त्रिभुवन विश्वविद्यालय केन्द्रीय क्याम्पसमा स्ववियु कोषाध्यक्षमा निर्वाचित सञ्चमाया सुब्बा र नेपाल कमर्स क्याम्पस मिनभवनमा स्ववियु उपाध्यक्षमा निर्वाचित पुषा मगरलाई सम्मान समेत गरिएको थियो । कमिटीका अध्यक्ष शुदर्शन शिवाकोटीको अध्यक्षतामा र सचिव नरेन्द्र न्यौपानेको सञ्चालनमा कार्यक्रम सम्पन्न भएको थियो ।
