बिरासत जोगाउन सफल भयो सिन्धुपाल्चोक अखिल, बन्यो जिल्लाकै पहिलो ठूलो संगठन

काठमाडाैं । सिन्धुपाल्चोकमा नेकपा एमालेनिकट विद्यार्थी संगठन अनेरास्ववियु जिल्लाकै सबैभन्दा ठूलो संगठन बन्न सफल भएको छ । भर्खरै सम्पन्न स्ववियु निर्वाचनको परिणामले सिन्धुपाल्चोमा अनेरास्ववियु पहिलो ठूलो संगठन भएको प्रमाणित गरेको हो ।

सिन्धुपाल्चोकका १२ मध्ये १० वटा क्याम्पसमा स्ववियु निर्वाचन भएको थियो । १० मध्ये ४ वटा क्याम्पसमा जित हात पारेर अनेरास्ववियु जिल्लकै पहिलो ठूलो संगठन बनेको छ भने भने तीन वटामा जितेर अखिल क्रान्तिकारी दोस्रो र दुई वटामा जितेर नेविसंघ तेस्रो बनेको छ ।

सिन्धुपाल्चोकका दुईवटा क्याम्पसमा चुनाव हुनै बाँकी छ भने चौतारा क्याम्पसको मतगणना स्थागित भएको छ । अखिल सिन्धुपाल्चोकका इन्चार्ज कमल बुढाथोकीले चुनाव हुन र मत गन्न बाँकी क्याम्पसमा पनि अनेरास्ववियुले नै जित हात पार्ने दाबी गरेका छन् ।