काठमाडौं । काठमाडौं महानगरपालिका वडा नम्बर ३२ पेप्सिकोलास्थित मल्टिस्टार बचत तथा ऋण सहकारी संस्थाले बदनियतपूर्वक आफ्ना सदस्यको सेयर बचत तथा लाभांश रकम फिर्ता नगरेको पाइएको छ । लामो समयदेखि उक्त सहकारी छाडि सकेका सदस्य विनोद पराजुली, श्रीमती जानुका पराजुली र छोरी बिनु पराजुलीको नाममा रहेको करिब ३२ लाख रुपैयाँ सहकारीले नदिएको पीडित पराजुलीले वताएका छन् ।
सहकारी छाडिसकेपछि पटक–पटक आफ्नो शेयर बचत तथा लाभांश फिर्ताका लागि सबै प्रकृया पूरा गरेर अनुरोध गरेपनि हालसम्म कुनै पनि रकम फिर्ता नगरिएपछि आफूहरु अन्यायमा परेको पराजुली परिवारले बताएको छ ।
पटक–पटकको छलफलमा फिर्ता गर्छु भन्ने सहकारीका वर्तमान अध्यक्ष अनसन शाखले रकम फिर्ता नगरेका मात्रै हैनन्, उनका परिवारका सबै सदस्यहरुको खातानै रोक्का गरीदिएका छन् । सहकारीका अन्य सन्चालक तथा कर्मचारीहरुले रकम फिर्ता गर्न कुनै समस्या नरहेको वताउदै आएपनि अध्यक्ष शाखले बदनियतपूर्वक आफ्नो ठूलो हिस्साको रकम ठगी गर्न खोजेको पराजुलीको आरोप छ ।
पछिल्लोपटक काठमाडौं महानगरपालिकामै भएको दुईपक्षीय छलफलमा पनि अध्यक्ष शाखले तुरुन्तै रकम फिर्ता गर्ने सहमति गरेका थिए । ‘तर बर्षौं बितिसक्यो रकम फिर्ता भएन’, भने ।
अनेकौं प्रयासका बाबजुत पनि रकम फिर्ता नभएपछि आफू मिडिया र कानूनी उपचारको माध्यम लिन बाध्य भएको पराजुली परिवारले वताएको छ ।
