अब बैंकबाट पाँच लाखभन्दा धेरैको चेक साटेर नगद झिक्न नपाइने

काठमाडौं । नेपाल राष्ट्र बैंकले नगद कारोबारमा सीमा घटाएर नयाँ व्यवस्था गर्न निर्देशन जारी गरेको छ । आगामी माघ १ गतेदेखि लागू हुनेगरि बैंक तथा वित्तीय संस्थालाई एकीकृत निर्देशन जारी गरिएको हो ।

उक्त निर्देशन अनुसार पाँच लाखभन्दा बढीको रकम भुक्तानी गर्दा अनिवार्य रूपमा एकाउन्टपेयी चेक वा सम्बन्धित व्यक्तिको खातामा मात्र भुक्तानी गर्नुपर्नेछ । कुनै फर्म, कम्पनी, संस्था वा कार्यालयको नाममा खिचिएका चेकको भुक्तानी समेत एकाउन्टपेयी हुनुपर्ने व्यवस्था गरिएको हो ।

सरकारले गत मङ्सिर १५ गते नै नगद कारोबारको सीमा पाँच लाखमा सीमित गर्ने निर्णय गरेको थियो ।