अब राष्ट्रिय परिचयपत्रका लागि फोटो खिच्दा टीका, सिन्दुर र टोपी लगाउन पाइने

काठमाडौं । अब राष्ट्रिय परिचयपत्रका लागि फोटो खिच्दा सिन्दूर, टीका र टोपी लगाउन पाइने भएको छ ।

राष्ट्रिय परिचयपत्र तथा पञ्जीकरण विभागले एक परिपत्र जारी गर्दै राष्ट्रिय परिचयपत्रका लागि फोटो खिच्दा आफ्नो संस्कृति र जातीय पहिचान झल्काउने पहिरन लगाउन मिल्ने जनाएको हो ।

यसअघि सिन्दूर, टीका हटाएर फोटो खिच्न लगाइन्थ्यो । जसको चारैतिरबाट आलोचना भएको थियो ।