सिमलताल दुर्घटना: भारतमा भेटिए दुई यात्रुको शव

काठमाडौं । सिमलताल दुर्घटनमा बेपत्ता भएका दुई यात्रुको शव भारतमा भेटिएको छ । पहिरोमा परी त्रिशूली नदीमा बेपत्ता भएका बसका दुई यात्रुको शव भारतमा भेटिएको हो ।

प्रहरीका अनुसार भारतीय सीमा सुरक्षा बल (एसएसबी)को टोलीले शव फेला पारेको हो ।

बिहिबार राति करिब साढे ९ बजेको समयमा भारतको चम्पारण नगाहास्थित नारायणी नदीमा २ वटा शव फेला पारेको हो । शवको पहिचान भइसकेको छैन ।

अहिलेसम्म उक्त दुर्घटनामा बेपत्ता भएका २३ यात्रुको शव फेला परेको छ ।