पदभार सम्हाल्दै स्वास्थ्यमन्त्री पौडेलले भने- अब अस्पतालमा लाइन बस्नु नपर्ने बनाइदिन्छु

काठमाडौं । नवनियुक्त स्वास्थ्य तथा जनसंख्यामन्त्री प्रदीप पौडेलले पदभार सम्हाल्दै सरकारी अस्पतालमा सेवा लिन लाइन लाग्न नपर्ने बनाउने प्रतिबद्धता व्यक्त गरेका छन् ।

‘एक महिनाभित्र संघीय सरकार मातहतका सरकारी अस्पतालमा लाइन लाग्न नपर्ने, व्यवस्थित स्वास्थ्य सुविधा हामी अगाडि बढाउनेछौं’, उनले भने । धेरै ठूला काम गर्न नसके पनि जनताका मन जित्ने साना–साना काम गरेर देखाउने उनको भनाइ थियो ।

मन्त्री पौडेलले एक हप्ताभित्र तत्काल गर्ने काम र दीर्घकालीन कामहरुको सूची सार्वजनिक गर्ने बताए ।

उनले सबै नेपालीलाई बिमाभित्र समेट्ने गरी कार्यक्रम ल्याउने पनि बताए ।