रास्वपाको हावादारी करारपत्रले लियो चुनावी घोषणापत्रकै हुर्मत

काठमाडाैं । रास्वपाले आइतबार सार्वजनिक गरेको ‘नागरिक करारपत्र’ नामक वाचापत्रले धेरैको ध्यान खिचेको छ । करारपत्रका नाममा केही सम्भवै नहुने कुराहरु समेत लेखिएपछि वाचापत्रले धेरैको ध्यान खिचेको हो ।

रास्वपाले सार्वजनिक गरेको करारपत्रमा आगामी पाँच वर्षभित्र नेपालीको प्रतिव्यक्ति आय तीन हजार अमेरिकी डलर पुर्याउने भन्ने छ । जुन एकदमै अस्वभाविक र कपोकल्पित कुरा हो । तीन हजार भनेको नेपाली रुपैयाँ करिब चार लाख हुन्छ ।

तथ्यांकअनुसार नेपालीको प्रतिव्यक्ति आय चार लाख रुपैयाँ पुग्न गरेक आर्थिक वर्षमा आर्थिक वृद्धिदर कम्तिमा १८ प्रतिशत हुन आवश्यक हुन्छ । जबकी अहिले नेपाली आर्थिक वृद्धिदर चार–पाँच प्रतिशतको वरिपरि घुमिरहेको छ । नाटकीय ढंगमा आर्थिक वृद्धि हुने हो भने पनि पाँच वर्षमा नेपालको आर्थिक वृद्धिदर १८ प्रतिशत पुग्न सम्भव छैन अर्थात प्रतिव्यक्ति आय तीन हजार अमेरिकी डलर पुग्न सम्भव छैन ।

त्यस्तै रास्वपाले सार्वजनिक गरेको पाँच बुँदे नागरिक करारपत्रमा एनआरएनएलाई वंशजको आधारमा नागरिक दिनेसम्मको कुरा उल्लेख छ । जुन व्यवहारिक हिसाबमा कपोकल्पित हो । त्यस्तै रास्वपाले १२ लाख नयाँ रोजगारी सिर्जना गर्ने प्रतिबद्धतासमेत जनाएको छ । जुन अस्वभाविक होइन तर कसरी भन्ने कुरामा रास्वपा नै अन्योलग्रस्त छ ।