काठमाडौं । नागरिक सरकारको मन्त्री भएर पनि राजनीतिक दलमा संलग्न भएको भन्दै चर्को आलोचना भएपछि कुलमान घिसिङले ऊर्जामन्त्रीबाट राजीनामा दिए ।
खासमा कुलमानद्वारा निर्मित पार्टी उज्यालो नेपाल र रास्वपाबीच पार्टी एकता भएपछि कुलमानलाई रास्वपाको उपसभापति बनाउने सहमति भएको थियो । तर कुलमान बाठो भएर आफू कुनै दलमा नभएको दाबी गर्दै सरकारमा बसिरहे ।
केही सीप नलागेपछि मन्त्रीबाट राजीनामा दिएर राजनीतिमा सक्रिय हुने घोषणा गरेका छन् । यससँगै कुलमान रास्वपासँग सन्तुष्ट हुन नसकेको बुझिएको छ । यसअघि नै असन्तुष्टिस्वरुप उज्यालो नेपालले निर्वाचन आयोगमा छुट्टै समानुपातिकको बन्द सूची बुझाउन खोजेको थियो ।
तर कानूनः नमिलेपछि उनीहरुले बन्द सूची बुझाउन पाएनन् । यसले उनीहरुबीच खटपट भएको त प्रष्टै छ । र, अहिले कुलमानले रास्वापा छाड्न लागेको चर्चा पनि चु्लिएको छ ।
रास्वपामा आफूले भनेजस्तो भाग नपाएपछि चिडिएका कुलमानले पार्टी नै छाड्ने चर्चा चलेको हो । यद्यपि, यसबारे उनले प्रष्टसँग केही भनेका छैनन् ।
