विशेष महाधिवेशनको पक्षमा मृतकको हस्ताक्षर भेछिएपछि कांग्रेसमा तनाव

काठमाडौं । नेपाली कांग्रेसका विशेष महाधिवेशन मागकर्ताहरूले मृत्यु भइसकेका महाधिवेशन प्रतिनिधिको पनि हस्ताक्षर प्रयोग गरेको पाइएको छ । उनीहरूले सर्लाहीको हरिपूर्वा नगरपालिका–५ हरिपूर्वा स्थायी ठेगाना भएका महाधिवेशन प्रतिनिधि उपेन्द्र रामको हस्ताक्षर प्रयोग गरेको भेटिएको हो ।

तर उपेन्द्रको गत असोज २४ गते नै निधन भएको उनका छोरा चन्दन रामले जानकारी दिएका छन् । परिवारले बाबुको हस्ताक्षर फिर्ता लिएको पत्र बुधबार कार्यवाहक सभापति पूर्णबहादुर खड्कालाई सम्बोधन गरेर पठाएको पनि उनले बताएका छन् ।