प्रचण्डले आजै बालुवाटार छाड्ने, साँझ पेरिस डाँडाबाट ‘विशेष सम्बोधन’

काठमाडौं । प्रधानमन्त्री पुष्पकमल दाहाल प्रचण्डले आजै सरकारीनिवास बालुवाटार छाड्ने तयारी गरेका छन् । संसदबाट विश्वास मत नपाएर पद गुमेलगत्तै उनले बालुवाटार छाड्ने तयारी गरेका हुन् ।

प्रधानमन्त्रीको सचिवालयका अनुसार बालुवाटारका केही सामान खुमलटार सारिइसकिएको छ ।

आज संसद बैठकपछि प्रधानमन्त्री प्रचण्ड पार्टी कार्यालय पेरिसडाँडा जानेछन् । त्यहाँबाट उनले जनतालाई सम्बोधन गर्ने कार्यक्रम पनि रहेको छ । पेरिसडाँडाबाट उनी खुमलटारतिर लाग्नेछन् ।

कांग्रेस–एमाले गठबन्धनले आजै एमाले अध्यक्ष केपी शर्मा ओलीलाई प्रधानमन्त्रीमा प्रस्तावित गर्ने तयारी गरेको छ ।