नख्खु जेल ब्रेक प्रकरणमा रवि लामिछाने निर्दोष भएको खुल्यो, कारागार प्रमुखले नै रविलाई निकालेको स्वीकारे

काठमाडौं । नख्खु जेल ब्रेक प्रकरणमा रास्वपा सभापति रवि लामिछाने निर्दोष भएको खुलेको छ । जेन जी आन्दोलनका बेला जेलबाट भगाएको भनिएको पत्रबारे नयाँ तथ्य बाहिरिएसँगै लामिछाने निर्दोष भएको खुलेको हो ।

नख्खु कारागार प्रमुख सत्यराज जोशीले कारागार जलाउने जेन जीको धम्कीका कारण कसैको दबाबविना आफूले विवश भएर हस्ताक्षर गरेको स्वीकार गरेका हुन् । यससँगै उक्त प्रकरणमा रवि निर्दोष प्रमाणित भएका छन् ।

जाँचबुझ आयोगमा जोशीले ज्यानको डरकै कारण पत्रको व्यहोरा नहेरी हस्ताक्षर गरेको बयान दिएका हुन् । रवि छुटेपछि उनीमाथि सेटिङमा बाहिर निस्किएको भन्दै मिडिया ट्रायल भएको थियो, जुनकुरा अहिले आएर पुष्टि भएको छ ।