खर्च गर्न मिल्ने रकम बैंकमै थन्किएर तनाव, ४२ दिनका लागि ९० अर्ब झिक्दै राष्ट्र बैंक

काठमाडौं । खर्च गर्न मिल्ने रकम बैंकमै थन्किएर तनाव भएको छ । बैंक तथा वित्तीय संस्थामा ऋण दिन मिल्ने रकम दिनहुँ थपिँदा त्यसको व्यवस्थापन गर्न तनाव भएको हो । हरेक दिन ऋण दिन मिल्ने रकम बढेपछि राष्ट्र बैंकले आइतबार वित्तीय प्रणालीबाट ९० अर्ब रुपैयाँ झिकेको छ ।

अधिक तरलता व्यवस्थापनका लागि निक्षेप संकलन उपकरणमार्फत राष्ट्र बैंकले ४२ दिनका लागि उक्त रकम झिक्न लागेको जनाएको छ । राष्ट्र बैंकले आइतबार र बुधबार नियमित रूपमा पैसा झिक्दै आएको छ ।