काठमाडौं । अहिले सामाजिक सञ्जालभर जेन जी आन्दोलनमा टीओबी लेखिएको टीसर्ट लगाएका युवाको उपस्थिति र उनीहरुले लगाएको नाराको चर्चा छ । आन्दोलनको बीचमा साइलेन्सर बजाउँदै कालो टीसर्टमा पहेंलो रंगमा टीओबी लेखिएको टिसर्ट सार्वजनिक भएसँगै यसबारे अनेक टिकाटिप्पणी भइरहेका छन् ।
कतिपयले टिओबीको अर्थ तिब्बेतियन ओरिजिनल ब्लड अर्थात तिब्बती मूलका नागरिक भनेर बजार पिटे । खासगरी जेन आन्दोलनको विपक्षमा रहेकाहरुले उक्त टिसर्ट लगाएका मानिसहरुका बारे अनेक नकारात्मक टिप्पणी गरे, गरिरहेका छन् । तर, जेन जी आन्दोलनलाई ठूलो उपलब्धी मान्नेहरुले टीओवीको अर्थ अरु नै भएको भन्दै तर्क गरिरहेका छन् ।
कतिपयले मोटरसाइकल राइडरको संकठन भएको पनि बताइरहेका छन् । कतिपयले त उक्त भिडिओ नै एआइले बनाएको भनेर समेत जिकिर गरिरहेका छन् । तर आन्दोलनमा देखिएका युवाले लगाएको उक्त टिसर्टको माथि टिओबी लेखिएपनि त्यसको तल प्रष्ट भाषामा तिब्बेतियन ओरिजिनल ब्लड भनेर लेखिएको छ । त्यसैले आन्दोलनमा फ्रि तिब्बेतको नारा लगाउनेहरुको पनि उपस्थिति भएको प्रष्टै हुन्छ ।
यसबाट पनि बुझ्न सकिन्छ कि, नेपालका जेन जीले इमानदार नियतका भ्रष्टाचारविरुद्ध र सामाजिक सञ्जाल बन्दविरुद्ध गरेको आन्दोलनलाई धेरै खाले मान्छेहरुले प्रयोग गरे, गरिरहेका छन् । हुन त अहिलेको सरकारलाई नै एनजिओले बनाएको वा चलाएको भन्ने आरोप छ । जुन आरोपलाई यस्ता घटना र दृश्यहरुले झन् पुष्टि गर्छन् ।
खासगरी जेन जी आन्दोलनलाई नै एन्टी चाइना मुभमेन्टका रुपमा पनि हेरिएको छ । आन्दोलनमा फ्री तिब्बेतवालाको सक्रिय उपस्थिति देखिनु, अमेरिकी युथ काउन्सिलका सदस्यहरुको नियोजित सहभागिता हुनु, बारबरा फाउन्डेसका अधिकांश सदस्य मन्त्री हुनु, मन्त्री बनाउन लागिएकी टासी पनि तिब्बती मूलकी नागरिक भएको आरोप लाग्नु र उनी अमेरिकी युथ काउन्सिलकी सदस्य भएको प्रमाणित हुनु जस्ता कुराले जेन जी आन्दोलनलाई चीनविरोधी गतिविधिका रुपमा हेरिएको हो ।
त्यतिमात्रै होइन, प्रधानमन्त्री सुशीला कार्कीले प्रमुख राजनीतिक सल्लाहकारको रुपमा नियक्त गरेकी पत्रकार अजयभद्र खनाल पनि अमेरिकी परियोजनामै काम गर्ने मान्छे हुन् । यससँगै फ्री तिब्बतका नेता दलाइ लामाले नै सबैभन्दा पहिला सुशीला कार्कीलाई प्रधानमन्त्री भएकोमा बधाइ दिनुले पनि घटनालाई शंकास्पद बनाएको छ । प्रष्ट छ कि, यसअघि दलाइ लामाले नेपालका कुनै पनि नवनियुक्त प्रधानमन्त्रीलाई बधाइ दिँदैनथे ।
