ओली र लेखक विरूद्धको जाहेरीलाई आयोगले फिर्ता पठाएपछि अन्योलमा प्रहरी

काठमाडौं । तत्काली प्रधानमन्त्री केपी शर्मा ओली र गृहमन्त्री रमेश लेखकविरुछ परेको उजुरीलाई प्रहरीले गौरीबहादुर कार्की नेतृत्वमा रहेको जाँचबुझ आयोगमा पठाएको थियो । तर आयोगले उक्त उजुरीलाई फेरि प्रहरीमै फिर्ता पठाइदिएको छ ।

यससँगै अब प्रहरीले ओली र लेखकलाई पक्रने कि नपक्रने भन्ने अन्योल बढेको छ । जाँचबुझ आयोगले बिहीबार प्रेस विज्ञप्ति जारी गर्दै प्रहरीबाट आयोगमा पठाइएको जाहेरी फिर्ता पठाइएको उल्लेख गरेको हो ।

भदौ २३ र २४ गतेको घटनामा तत्कालीन प्रधानमन्त्री ओली र गृहमन्त्री लेखकलाई पक्राउ गरी कारबाही अघि बढाउन माग गर्दै जेन जी अभियन्ता सुदन गुरुङले प्रहरीमा जाहेरी दिएका थिए । यससँगै अब प्रहरीमा ओली र लेखकलाई पक्राउ गर्नैपर्ने दबाब बढेको छ ।