काठमाडौं । पछिल्लो समय रास्वपामाथि एकपछि अर्को बज्रपात परिरहेको छ । प्रभावशाली नेतृ सुमना श्रेष्ठसँगै तीन केन्द्रीय सदस्यले पार्टी छाडेको महिना दिन नबित्दै अर्की नेतृ तोषिमा कार्कीले पनि विद्रोहको धम्की दिएकी छिन् । कार्कीले कूटनीतिक पारा विद्रोहको धम्की मात्रै दिएकी छैनन्, पार्टीको नेतृत्व आफूले गर्नसक्ने भन्दै अहिलेको नेतृत्वलाई चुनौतीसमेत दिएकी छिन् ।
उनले हिम्मत भए विशेष महाधिवेशन गर्नसमेत चुनौती दिएकी छिन् । पार्टीभित्र आफूले फरक मत राख्दा संस्थापन समूहले थर्काएको भन्दै उनले गुनासो पनि गरेकी छिन् । उनले भनेकी छन्– ‘खबरदार १ पार्टीलाई थप सुदृढ बनाऔं, सफल बनाऔं, समय सापेक्षिक रूपान्तरण गरौं भनी जिम्मेवारपूर्ण तरिकाले राजनीतिक विषय उठान गर्दा न्भत इगत (गेट आउट) भनेर द्यगििथ (बुली) गर्ने र गर्न लाउने अनि त्यो सब टुलुटुलु हेरेर बस्ने महाशयहरुको सार्वजनिक भण्डाफोर गर्नु नपरोस् ।
कहिले राजीनामा दिन लाग्यो भनेर अफवाह फैलाउने, कहिले पार्टी बनाउने उद्देश्यका साथ पेस गरिएको पत्रको चार बुँदा राम्रोसँग अध्ययन समेत नगरी पार्टी सभापतिको विकल्प खोज्नेलाई छाड्नहुन्न, पार्टीबाट निकाल्नुपर्छ आदि भनेर मिडिया ट्रायल गरेर पार्टी पंक्तिमा भ्रम छर्न खोज्नेरु हिम्मत भए संस्थापनले खुला विशेष अधिवेशन गरोस्, पार्टी सभापतिको आशीर्वाद लिएर – लाखौं कार्यकर्ता तथा शुभेच्छुकको मत लिएर दिइएको जिम्मेवारी सम्हाल्ने आँट छ तोसिमासँग।
यही आन्दोलनमै पनि प्रहरीको गोलीबीच हिँडेको मान्छे हो। तिमीहरूको प्रोपागान्डा र हेपाहा बोलीसँग रत्तिभर डराउँदैन। तिमीहरूले जति नै बुली र मिडिया ट्रायल गरे पनि राजनीतिक मैदान, मेरा ललितपुरका प्रिय मतदाता र प्यारो पार्टी पंक्ति छोडेर पनि भाग्दैन। देश बनाउन हिँडेको योद्धा हो। लड्छु।’ यसरी तोसिमाले पोखेको आक्रोशले रास्वपाभित्र गर्माएको दुई लाइन संघर्षलाई प्रष्ट पार्छ ।
हुन रास्वपा कुनै विचारको जगमा निर्माण भएको पार्टी होइन । कुनै व्यक्तिको लोकप्रियताको आधारमा निर्माण भएको र झाङ्गिएको पार्टीले लामो दूरीको यात्रा गर्न नसक्ने त प्रष्ट छ नै १ तर, यतिछिट्टै यो तहको विग्रह आउनु रास्वपालाई दुखद सत्य हो । कुनै बेला अस्वभाविक लोकप्रियताको उचाइमा पुगेको रास्वपाको ओरालो यात्रा भने भदौ २४ गतेको जेलब्रेकपछि हो ।
अहिले देशभरका जेलब्रेकको आरोप खेपिरहेको रास्वपाले जनताको चित्त बुझ्ने गरी जवाफ दिन सकेको छैन । त्यसकै कारण भदौ २४ यतामात्रै दर्जभन्दा बढी नेताहरुले रास्वपा छाडिसकेका छन् । र, अझै थुप्रै पार्टी छाड्ने लाइनमा रहेको बुझिएको छ ।
