रामेश आचार्य नेतृत्वको जेन–जी समूहको बेग्लै पत्रकार सम्मेलन, सुदन गुरुङप्रति कडा टिप्पणी

काठमाडौं । रामेश आचार्य नेतृत्वको जेन जी समूहले रिपोर्टस क्लबमा बेग्लै पत्रकार सम्मेलन गर्दै संसद विघटन नगरी अन्तरिम सरकार गठन गर्नुपर्ने माग राखेको छ ।

‘हामी नेपाल’ समूहका युवाहरुले पूर्वप्रधानन्यायाधीश सुशिला कार्कीको नेतृत्वमा अन्तरिम सरकार गठन गर्नुपर्ने र संसद विघटन गर्नुपर्ने मागसहित राष्ट्रपति रामचन्द्र पौडेलसँग संवाद गरिरहँदा आचार्य नेतृत्वको समूहले भने कुनै पनि हालतमा संसद विघटन गर्न नहुने अडान अघि सारेको हो ।

संसदबाट संविधान संशोधन गर्नुपर्ने आवश्यकता देखिएको भन्दै विघटनले झन् ठूलो संकट निम्त्याउने उनीहरुको धारणा छ । उता संसद विघटनको अडान राख्दै आएको हामी समूहका सुदन गुरुङलाई शीतल निवासमा बोलाइएको बुझिएको छ ।