काठमाडौं । काठमाडौं महानगरपालिकाका मेयर बालेन्द्र साह (बालेन)को दाहिने हात भनेर चिनिने शहरी योजना आयोगका विज्ञ सदस्य शैलेन्द्र झा राजीनामा दिएर अमेरिका उडेका छन् । गत आइतबार साँझ अमेरीका गएका उनले ‘द हर्बट एच हम्फ्रे फेलोसिप प्रोग्राम’ अन्तर्गत १० महिनाको पूर्ण छात्रवृत्ति पाएको स्रोतले बताएको छ ।
गत शुक्रबार उनले महानगरमा एउटा बैठक राखे र अरु कर्मचारीलाई राम्रोसंग काम गर्न सुझाव दिदै आफुभने अमेरीका उँडे । झाले केही समयअगावै राजीनामा दिएका थिए् र उनको राजीना पनि स्वकृत भइसकेको पाईएको छ । बालेनको कोर टिममा रहेका झा विवादित पात्र पनि हुन् । शहरी योजना आयोगको विज्ञ भए पनि उनि शिक्षा विभागका गतिविधिमा बढी चासो राख्थें ।
काठमाडौं महानगरपालिकाले आयोजना गरेको सीप मेलाका नाममा ठूलो रकम हिनामिना गरेको आरोप उनीमाथि लागेको छ । बेरोजगार युवायुवतीलाई सीप सिकाएर कुनै रोजगारीमा आबद्ध गराउने भन्दै महानगरले यसवर्ष पनि सीप मेला आयोजना ग¥यो । गत वर्षको जेठ ७ गतेदेखि टुँडिखेलमा भएको सीप मेलाबाट ३५ सय बढीले सिप सिकेको महानगरको दावी छ ।
तर, तिनीहरूले त्यहाँ सिकेर के–के गरे ? कहाँ रोजगारी गरिरहेका छन् रु कतिले आफ्नै व्यवसाय थाले रु यसको जवाफ महानगरसंग छैन । सीप सिकाउने भन्दै महानगरबासीले तिरेको करको दुरूपयोग गर्ने क्रम चलिरहेको छ । सीप मेलाको लागि गत वर्ष १० करोड विनियोजन गरिएको थियो । सो मेलाको हर्ताकर्ता झा नै हुन् ।
त्यहाँ कसरी खर्च गरियो रु कुन–कुन शीर्षकमा कति खर्च भयो रु कुनै लेखाजोखा नै छैन । करोडौं काम कोटेशनमार्फत दिएको भन्दै त्यतिबेलै चर्को विरोधसमेत भएको थियो । त्यो कार्यक्रम गर्दा उनको अमेरिकी राजदूतलगायतसँग राम्रो चिनजान भएकै कारणले उनले फुल स्कलरसिपमा अमेरिका जाने मौका पाएको भन्ने धेरैको आंकलन छ ।
