रवि भेट्न बुटवल जाँदै बालेन, रास्वपा नेता गणेश कार्कीले मिलाए मेसो

काठमाडौं । जेलमा रहेका रास्वपा सभापति रवि लामिछानेलाई भेट्नका लागि काठमाडौं महानगरपालिकाका मेयर बालेन साह बुटवल जाने भएका छन् । रास्वपा नेता गणेश कार्कीले रविलाई भेट्नका लागि बालेन बुटवल जाने मेसो मिलाएका हुन् ।

यसअघि रविको मामलामा बालेनले कुनै प्रतिक्रिया नदिएको र कदम नचालेको भनेर आवाज उठिरहेको थियो । यसबारे बालेन समूहले भने प्रष्टसँग मुख खोलेको छैन ।

बुझिएअनुसार रास्वपा नेता कार्की र मेयर साह सँगै फुटसल खेल्ने साथी हुन् । खासमा बालेन पारिवारिक भेटघाटका लागि भैरहवा जान लागेको हुन् । त्यसैक्रममा रास्वपाले रविलाई पनि भेट्ने चाँजोपाँजो मिलाउन लागेको हो ।