रसुवामा आयो फेरि भीषण बाढी, पाँच टहरासँगै रसुवागढी हाइड्रोको दुई वटा गाडी बगायो

काठमाडौं । असार २४ गतेको बाढीले क्षति पुर्याएको रसुवामा फेरि भीषण बाढी आएको छ । बाढीका कारण गोसाइँकुण्ड गाउँपालिका–५ मा ५ वटा टहरा र रसुवागढी भन्सार यार्डको धर्ककाँटा पनि बगाएको छ ।

भोटेकोशीले तातोपानी डाँडामा कटान गर्दा पासाङ ल्हामु सडक पूर्णरूपमा अवरुद्ध भएको छ भने हाइड्रोपावरका दुईवटा पिकअप पनि बगाएको छ । भोटेकोशीसँगै त्रिशुली नदीमा बाढी आएको छ । र, नदी तटीय क्षेत्रका नागरिकमा त्रास बढेको छ ।