दाउरा लिन जाँदा भेरी नदीमा फसेका चार जनाको प्रहरीले गर्यो सकुशल उद्धार

काठमाडौं । डोल्पाको ठुलोभेरी नगरपालिका–३ धुपीचौरस्थित भेरी नदीको बीच भागमा फसेका चार जनाको सशस्त्र प्रहरीले सकुशल उद्धार गरेको छ । मंगलबार बिहान दाउरा लिन गएका उनीहरु नदीमा एक्कासी पानीको बहाव बढेपछि नदीको बीच भागमा फसेका थिए ।

उद्धार गरिएकाहरुमा डोल्पाको त्रिपुरा सुन्दरी नगरपालिका–६ पालुङ बस्ने ३३ वर्षीया ललित बोहरा, २६ वर्षीया नन्द प्रसाद बोहरा, ३५ वर्षीया लाल कुमार बुढा र ३७ वर्षीया श्यामलाल बोहरा छन् ।