भूमि विधेयकले फेरि हल्लाइदियो सरकारको जग

काठमाडौं । भूमि विधेयकका कारण सत्ताको जग नै हल्लिएको छ । यसै विधेयकका कारण जसपाले सरकारलाई दिएको समर्थन फिर्ता लिएको छ भने अन्य दलभित्र पनि तीव्र विवाद छ ।

सत्ताको मुख्य साझेदार दल नेपाली कांग्रेसकै एउटा ठूलो समूह यो विधेयकको विपक्षमा छ । तर, सत्ताको नेतृत्व गरिरहेको दल नेकपा एमाले भने जसरी पनि विधेयक पारित गर्ने मनस्थितिमा छ । तर अहिले जसपा नेपालले भूमि विधेयकमा समर्थन फिर्ता लिएपछि राष्ट्रिय सभाबाट विधेयक पारित गर्न सरकारलाई सकस पर्नेछ र विधेयक अघि बढ्ने सम्भावना टरेको छ ।

विधेयकमा गिरिबन्धु टी–स्टेट लगायतका व्यवसायीलाई हदबन्दी छुट दिने प्रावधान राखिएको छ भने कांग्रेसका महामन्त्री गगन थापा र विश्वप्रकाश शर्माले संशोधनको माग गरेका छन् ।