मोबाइल इन्टरनेटबाट थ्रीजी सेवा हटाउँदै टेलिकम र एनसेल

काठमाडौं । अब नेपालमा मोबाइल इन्टरनेट प्रविधिबाट थ्रीजी सेवा हट्ने भएको छ । निजी क्षेत्रको दूरसञ्चार सेवा प्रदायक एनसेलले थ्रीजी सेवा चरणबद्ध रूपमा बन्द गर्न थालेको छ भने सरकारी स्वामित्वको नेपाल टेलिकमले पनि आफ्नो वार्षिक कार्यक्रममा थ्रीजीको निरन्तरता आवश्यक छ–छैन भन्नेबारे अध्ययन गर्ने बताएको छ ।

पछिल्लो समय फोरजी प्रयोगकर्ता साढे २ करोड नाघिसक्दा थ्रीजी प्रयोगकर्ताको संख्या औसत ६–७ लाखमा सीमित छन् ।