सस्तो लोकप्रियताका लागि जे पनि बोल्दै रास्वपाका सांसद

काठमाडौं । अचेल रास्वपाका सांसदले सस्तो लोकप्रियताका लागि जे पनि बोल्न थालेका छन् । जनताले पत्याइहाल्छन् भन्ने भएपछि उनीहरुले निराधार कुरा पनि हो जस्तै गरी भन्न थालेका हुन् ।

त्यसको पछिल्लो उदाहरण हो, रास्वपा सांसद सोविता गौतमले संसदमा बोल्दै प्रधानमन्त्रीलाई लगाएको आरोप । उनले स्पेन भ्रमणमा जाँदा प्रधानमन्त्रीले नै मान्छे छाडेको भन्दै कपोकल्पित कुरा गरिन् । कसैले फेसबुकमा लेखेको वाइयात स्टाटसलाई आधार मानेर संसदमा जे पायो त्यहीं बोल्दा सांसद गौतमको मात्रै होइन, संसदकै गरिमा गिरेको छ ।

त्यस्तै अचेल रास्वपा सांसदहरुमाथि अनेक आरोप लागिरहेको छ । अरुलाई जे पनि प्रश्न सोध्न तम्सने उनीहरु आफूमाथि कुनै प्रश्न उठ्दा भने तर्कन थालेका छन् ।