दमक भ्युटावरका नाममा सार्वजनिक जग्गा हिनामिना गरिएको भन्दै अख्तियारमा पर्यो उजुरी

काठमाडौं । झापको दमक नगरपालिका–३ मा रहेको १८ तले भ्युटावर परियोजनाका नाममा सार्वजनिक जग्गा निजी कम्पनीलाई दिइएको भन्दै अख्तियार दुरुपयोग अनुसन्धान आयोगमा उजुरी परेको छ ।

दमक–५ का अविन मेयाङ्ग्वोले अख्तियारको केन्द्रीय कार्यालय टंगाल, काठमाडौंमा उजुरी दर्ता गराएका हुन् । उनले तत्काल छानबिनको माग गरेका छन् ।

उजुरी अनुसार, ‘माँ पञ्चकन्या हाउजिङ प्रालि।’ नामक निजी कम्पनीलाई विसं। २०७३ सालतिर सार्वजनिक प्रयोजनको नाममा करिब चार बिघा १८ कट्ठा ७ धुर जग्गा दमक नगरपालिकाबाट उपलब्ध गराइएको थियो ।