कुलिङ पिरियडसम्बन्धी छानबिन समितिको नेतृत्व कांग्रेसलाई दिनै नहुने अडानमा रास्वपा

काठमाडौं । निजामती सेवा विधेयकमा व्यवस्था भएको कुलिङ पिरियडबारे हेरफेरका सन्दर्भलाई लिएर गठन गर्न लागिएको छानबिन समितिको नेतृत्व नेपाली कांग्रेसलाई दिन नहुने पक्षमा राष्ट्रिय स्वतन्त्र पार्टी रास्वपाले अडान राखेको छ ।

कार्यव्यवस्था तथा परामर्श समितिको बैठकमा बोल्दै रास्वपा प्रमुख सचेतक सन्तोष परियारले कांग्रेसले छानबिन समितिको नेतृत्व गर्ने प्रयास नगरोस् भनेका हुन् ।

नेपाली कांग्रेसले छानबिन समिति संयोजकमा प्रतिनिधि सभा सांसदसमेत रहेका सहमहामन्त्री जीवन परियारको नाम प्रस्ताव गरेको थियो ।