शिक्षा विधेयकका प्रस्तावित प्रावधानप्रति शिक्षकको चर्को असन्तुष्टि

काठमाडौं । संसदीय उपसिमितिले सहमति जुटाएको विद्यालय शिक्षा विधेयकमा शिक्षकहरूले फेरि असन्तुष्टि जनाएका छन् ।

नेपाल शिक्षक महासंघले उपसमितिले तयार पारेको प्रतिवेदनमाथि आपत्ति जनाएको हो । विगतमा आफूहरुसँग भएको सहमति कार्यान्वयन भएको भन्दै महासंघले असन्तुष्टिसँगै आन्दोलनको चेतावनी दिएको छ । महासंघले अब झन् कडा र निर्णायक आन्दोलन गर्ने बताएको छ ।

गत चैत २० गतेदेखि महासंघले शिक्षा ऐन जारी गर्नुपर्ने माग राखेर काठमाडौंको माइतीघर–बबरमहल–बानेश्वरकेन्द्रित सडक आन्दोलन गरेको थियो ।