सुनितालाई कार्यबाहक दिनुपर्ने भएपछि बालेनले रद्द गरे जापानको भ्रमण

काठमाडौं । काठमाडौं महानगरपालिकाका मेयर बालेन शाहको विदेश भ्रमण रद्द भएको छ ।

अन्तिम समयमा उनको भ्रमण रद्द भएको हो । मन्त्रिपरिषद्बाट समेत स्वीकृत भएको जापान भ्रमण रद्द भएको हो । बालेनको सचिवालयका अनुसार वैशाख ३०, ३१ र जेठ १ गते स्मार्टसिटी सम्बन्धि कार्यक्रममा सहभागी हुन जापान भ्रमण तय भएको थियो ।

तर, आफू जापान जाँदा कार्यबाहक जिम्मेवारी उपमेयर सुनिता डंगोललाई दिनुपर्ने भएपछि उनले भ्रमण रद्द गरेको बुझिएको छ । पछिल्लो समय मेयर शाह र उपमेयर डंगोलबीच द्वन्द्व छ । शाह र डंगोलबीच एक महिनादेखि बोलचालै बन्द छ ।

र, पाँच महिनादेखि कार्यपालिका बैठक नराखेका कारण अहिले चौतर्फी उनको आलोचना भइरहेको छ ।