रवि रिहाइको माग गर्दै माइतीघरमा रास्वपाको प्रदर्शन

काठमाडौं । पूर्वगृहमन्त्री एवम् राष्ट्रिय स्वतन्त्र पार्टी सभापति रवि लामिछाने रिहाइको माग गर्दै काठमाडौंको माइतीघरमा प्रदर्शन भएको छ । राष्ट्रिय स्वतन्त्र पार्टीका कार्यकर्ताले गरेको प्रदर्शनमा सहकारीपीडितलाई न्यायको मागसमेत गरिएको छ ।

पोखराको सूर्यदर्शन सहकारी ठगी प्रकरणमा सभापति पक्राउ परेको विरोधमा उत्रिएका रास्वपा कार्यकर्ताले ‘सहकारी पीडितलाई न्याय दे’ लेखिएको प्लेकार्ड बोकेका छन् ।

लामिछाने २ कात्तिकमा पार्टी मुख्यालय वनस्थलीबाटै पक्राउ परेका थिए । सोही दिन राति पोखरा लगिए पनि शनिबार सार्वजनिक बिदा परेकाले आइतबार मात्रै जिल्ला अदालत कास्कीमा उपस्थित गराइएको थियो ।