रास्वपाले मुकुल ढकाललाई फेरि स्पष्टीकरण सोध्ने

काठमाडौं । राष्ट्रिय स्वतन्त्र पार्टी (रास्वपा)ले पूर्व महामन्त्री डा. मुकुल ढकाललाई पार्टीबाट निष्कासन गर्नुअघि अन्तिमपटक स्पष्टीकरण सोध्ने निर्णय गरेको छ ।

रास्वपाको केन्द्रीय समिति बैठकले ढकाललाई अनुशासन आयोगमार्फत अन्तिमपटक स्पष्टीकरण सोध्ने निर्णय गरेको हो । यसअघि रास्वपाले उनलाई पार्टी हितविपरीत गतिविधि गरेको भन्दै महामन्त्री, प्रवक्ता र केन्द्रीय सदस्यबाट हटाउने निर्णय गरेको थियो ।

तर, उनको साधारण सदस्य भने कायमै थियो । त्यस्तै रास्वपाले आगामी मङ्सिरमा हुने स्थानीय तह उपनिर्वाचनमा पनि भाग लिने निर्णय गरेको छ ।