काठमाडौं । उतारचढावबीच बिहीबार नेप्से परिसूचकमा सामान्य सुधार भएको छ । बिहीबार नेप्से ६.७० विन्दुले बढेर २७६६.३८ अंकमा पुगेको छ भने २० अर्ब ७ करोड रूपैयाँभन्दा बढीको कारोबार भएको छ ।
बिहीबार ३२२ कम्पनीको ५ करोड ९ लाखभन्दा बढी कित्ता शेयर किनबेच भयो ।
कर्णाली डेभलपमेन्ट बैंक, शिवम् सिमेन्ट, घोराही सिमेन्ट, मिड सोलु हाइड्रोपावर र सोनापुर मिनरल्स एण्डा आयल लिमिटेडको शेयर सर्किट लेभलमा पुग्यो ।
उत्पादन समूह सबैभन्दा धेरै ५.८७ प्रतिशत बढ्यो । बैंकिङ ०.५५, विकास बैंक ०.६७, फाइनान्स ०.४२, होटल तथा पर्य६न १.२७, जीवन बीमा ०.३०, माइक्रोफाइनान्स ०.४४ तथा अन्य समूह ०.५५ प्रतिशत घटे । लगानी १.३३, हाइड्रोपावर ०.८७, निर्जीवन बीमा ०.०७ तथा ब्यापार समूह ०.४७ प्रतिशत बढे ।
७ कम्पनीको मूल्य १० प्रतिशत बढेको छ । कर्णाली विकास बैंक, शिवम् सिमेन्ट, घोराही सिमेन्ट, मिडसोलु हाइड्रोपावर, सोनापुर सिमेन्ट, सर्वोत्तम सिमेन्ट र कुथेली बुकरी स्मल हाइड्रोपावरको मूल्य १० प्रतिशत बढ्यो ।
