सुनको मूल्यमा नयाँ रेकर्ड, एकैदिन तीन सयले बढेर पुग्यो तोलाकै डेढ लाख

काठमाडौं । सोमबार सुनको मूल्यले नयाँ रेकर्ड बनाएको छ । छापावाल सुनको मूल्य आइतबारको तुलनामा तीन सयले बढेर प्रतितोला एक लाख ५० हजार रुपैयाँ कायम भएको छ । यो हालसम्मकै उच्च मूल्य हो ।

आइतबार छापावाल सुन प्रतितोला एक लाख ४९ हजार सात सय रुपैयाँमा कारोबार भएको नेपाल सुनचाँदी व्यावसायी महासंघले जनाएको छ ।

आज चाँदी भने स्थिर छ । आइतबार तोलामा एक हजार सात सय ८५ रुपैयाँ कायम भएको चाँदी आज पनि सोही मूल्यमा कारोबार भइरहेको महासंघले जनाएको छ ।