रास्वपाको निष्कर्ष: उपसभामुख निष्कलंक र उज्यालो छविकी हुनुहुन्छ, अनर्गल प्रचारको पछि नलागौं

काठमाडौं । विवादमा मुछिएकी उपसभामुख इन्दिरा रानालाई राष्ट्रिय स्वतन्त्र पार्टीले ‘निष्कलंक र उज्यालो छवि’की भएको बताएको छ । आइतबार एक विज्ञप्ति जारी गर्दै रास्वपाले उपसभामुख रानालाई ‘निष्कलंक र उज्यालो छवि’की भएको बताएको हो ।

एक पुरानो पत्रलाई अहिले अनर्गल प्रचार गरेर क्षणिक पदीय लेनदेनको हिसाब मिलाउने प्रयास भएको रास्वपाको ठम्याइ छ । कार्यवाहक प्रवक्ता मनिष झाद्वारा जारी विज्ञप्तिमा भनिएको छ– संघीय संसद सचिवालय लगायत अन्य उच्च पदासीन व्यक्तिहरूलाई पहिले नै जानकारी रहेको भनिएको विषयलाई अहिले अनर्गल प्रचार गरिनुमा पक्कै पनि कुनै क्षणिक पदीय लेनदेनको हिसाब मिलाउने प्रयास भइराखेको छ भन्ने सहजै अनुमान गर्न सकिन्छ ।

धेरै राजनीतिक दलका नेताहरूले अन्तर्वार्ता मितिमात्र नभई भिसाकै लागि लिखित वा मौखिक सिफारिस गर्ने गरेको अभ्यास पाइएको पनि विज्ञप्तिमा उल्लेख छ ।