काठमाडाैं । जनताले अतिविश्वास गरेको वर्तमान बालेन नेतृत्वको सरकार पनि असफलताको बाटोतिर मोडिएको टिप्पणी हुन थालेको छ । दुईतिहाई बहुमतप्राप्त नयाँ दलको सरकारले हनिमुन पिरियड पार नगर्दै असफलताको टिप्पणी सहनु परेको हो ।
खासगरी मन्त्रिपरिषदले गरेका एकपछि अर्को निर्णय गलत सावित हुँदै जानुले सरकार असफलताको बाटोतिर लम्किएको टिप्पणी भएको हो । हाई प्रोफाइल नेताको पक्राउदेखि ब्रिज कोर्स खारेज गर्नसम्मका आलोकाँचो निर्णय गरेको सरकारलाई पछिल्लो समय वैशाख २१ गतेदेखि मात्रै नयाँ शैक्षिक सत्र सुरु गराउने निर्णय कार्यान्वयन गराउन हम्मेहम्मे पर्ने देखिएको छ । खासगरी स्थानीय तलले संघीय सरकारका उक्त निर्णयको ठाडै उल्लंघन गरेका छन् ।
र, पुरानै क्यालेन्डरअनसार विद्यालय सञ्चालन गर्न पत्रकार गरिसकेका छन् । स्थानीय तहको पत्रअनुसार अधिकांश विद्यालयले बुधबारदेखि विद्यालय सञ्चालन गर्दैछन् । यसले संघीय सरकारमाथि नैतिक प्रश्न उठेको छ । खासमा सरकारले पनि किन विद्यालय ढिला सञ्चालन गर्नुपर्ने हो भनेर कुनै पनि कारण खुलाएको छैन ।
त्यसैगरी आइतबार र शनिबार सार्वजनिक बिदा दिनुको औचित्य पुष्टि गर्न पनि सरकारलाई हम्मेहम्मे परिरहेको छ । यसरी सरकारले मनलाग्दी निर्णय र उक्त निर्णय कार्यान्वयन नहुने सँस्कार मौलाउँदा सरकारमाथि नै प्रश्न उठ्ने निश्चित छ । यसैगरी अपरिपक्व निर्णय हुँदै जाने र निर्णय अरुले नमान्दै जाने हो भने सरकार असफल हुन धेरै समय लाग्दैन ।
