काठमाडाैं । सुदूरपश्चिमको मौलिक देउडा भाकामा आधारित नयाँ गीत ‘कलेजी खाइ झानो’ को म्युजिक भिडियो सार्वजनिक भएको छ। महादेव भट्ट र लक्ष्मी नेपालीको स्वरमा सजिएकाे गीतमा महादेव भट्टको शब्द तथा सङ्गीत छ । मा तयार भएको यो गीत MH Movies तथा Harish mahara को आधिकारिक युट्युब च्यानलमार्फत सार्वजनिक गरिएको हो।
दीपक संगम बीसीको सङ्गीत संयोजन, मिक्सिङ तथा मास्टरिङ रहेको उक्त गीत मधुमाला डिजिटल स्टुडियोमा रेकर्ड गरिएको हो। देउडा संस्कृतिको मिठास बोकेको यस गीतले गाउँघरको परिवेश, प्रेम र भावनात्मक सम्बन्धलाई आकर्षक ढङ्गले प्रस्तुत गरेको छ।
प्रकाश भट्टको निर्देशनमा तयार गरिएको म्युजिक भिडियोमा महेश महराको छायाङ्कन र लोकेश भाटको सम्पादन रहेको छ। भिडियोमा चर्चित कलाकार चेतना काफ्ले र जोन बमको अभिनय देख्न सकिन्छ, जसले कथावस्तुलाई अझ जीवन्त बनाएको छ।
वर्ल्ड कभर मिडिया प्रा।लि।को पोस्ट–प्रोडक्सनमा निर्माण गरिएको यस भिडियोले देउडा गीतप्रेमी दर्शकमाझ विशेष आकर्षण सिर्जना गर्ने अपेक्षा गरिएको छ। मौलिक संस्कृतिलाई आधुनिक प्रस्तुतीकरणसँग जोडिएको ‘कलेजी खाइ झानो’ ले नेपाली लोकसङ्गीतमा नयाँ स्वाद थप्ने विश्वास लिइएको छ।
साथै, यस गीतमा नारी सौन्दर्यको भित्री मन र मुटुदेखि गरिएको सजीव वर्णनले दर्शक–श्रोताको मनमा गहिरो छाप छोड्ने अपेक्षा गरिएको छ।
