जेन जीको आवरणमा एनजिओको रजाइँ, देशको स्वाभिमान र सार्वभौमिकतामाथि नै गम्भीर प्रश्न

काठमाडौं । भदौ २३ र २४ गते भएको जेन जी आन्दोलन र त्यसपछिका राजनीतिक घटनाक्रमहरुमा एनजिओ हामी भएको भन्दै चौतर्फी आलोचना भइरहेको छ ।

शनिबार प्रधानमन्त्री र जेन जी प्रतिनिधिबीच भएको छलफलमा समेत यो विषयले निकै महत्वपूर्ण स्थान पायो । र, जेन जी अगुवाले सरकार एनजिओबाट चलेको भन्दा प्रधानमन्त्री सुशीला कार्की नराम्ररी भोक्किएकी थिइन् । तर, पछिल्लो समय देखिएका सबै घटनाक्रमले अहिलेको सरकार एनजिओको नियन्त्रणमा भएको अनुमान गर्न सकिन्छ ।

मन्त्रिपरिषद्का अधिकांश सदस्य बारबरा फाउन्डेसको सदस्य हुनु, प्रस्तावित मन्त्रीहरु पनि अमेरिकी युथ काउन्सिलका सदस्य हुनु र आन्दोलनमा फ्री तिब्बेतवालाहरु समेत सहभागी भएको भिडिओ बाहिरिनुले थुप्रै शंकाहरु उब्जाएको छ । जसले नेपाली राष्ट्रियता, स्वाभिमान र सार्वभौमिकतालाई नै कमजोर पार्ने भन्दै टिप्पणी पनि भइरहेका छन् ।