काठमाडौंमा बेचिने जारको पानीमा विषालु जिवाणु, काठमाडौं महानगरले लियो एक्सन

काठमाडौं । काठमाडौंमा बेचिने जारको पानीमा विषालु जिवाणु भेटिएको छ । यससँगै काठमाडौँ महानगरपालिकाले पानीको जारमाथिको अनुगमनलाई पनि तीव्रता दिएको छ ।

पछिल्लो एक हप्तामा मात्रै महानगरले विभिन्न स्थानबाट मापदण्ड विपरीतका २७१ वटा जार बरामद गरी नष्ट गरेको जनाएको छ । महानगरका अनुसार असार र साउन महिनामा मात्रै १३९ वटा गाडीको जाँच गर्दा ४५६ वटा फोहोर, कुच्चिएका र मापदण्ड नपुगेका जारहरू बरामद गरी नष्ट गरिसकिएको छ ।