माटोमु्नि सुन गाडेर प्रहरीमा चोरीको निवेदन

काठमाडौं । आफ्नै घरको कम्पाउण्डमा सुन लुकाएर प्रहरी कार्यालयमा चोरी भएको भन्दै झुट्टा निवेदन दिएको आरोपमा दुई जना पक्राउ परेका छन् । स्याङ्जाको आँधिखोला गाउँपालिका–१ मा सुनका गहना लुकाएर चोरी भएको भन्दै निवेदन दिने दुई जनालाई प्रहरीले पक्राउ गरेकोहो ।

४१ वर्षीय चन्द्रकुमारी गुरूङ र उनका देवर ३८ वर्षीय धनराज गुरूङ पक्राउ परेका हुन् । उनीहरूले साउन १२ गते बेलुकी घरबाट साडे ७ तोला बराबरको सुन र ४ हजार रुपैयाँ नगद चोरी भएको भनेर प्रहरीमा निवेदन दिएका थिए ।

प्रहरीले खोजी गर्दा सुन उनीहरुकै घर परिसरमा गाडेको अवस्थामा फेला परेको थियो ।