कांग्रेसले रुपन्देही–३ मा बालकृष्ण खाँडलाई नै उम्मेदवार बनाउने सम्भावना बढ्यो

काठमाडौं । रुपन्देही– ३ मा कात्तिक १७ गते हुने उपचुनावमा नेपाली कांग्रेसले बालकृष्ण खाँणलाई नै उठाउने सम्भावना बढेको छ । शुक्रबार बसेको पदाधिकारी बैठकपछि यो सम्भावना बढेको हो ।

यसअघि देउवानिकट पदाधिकारीले पनि खाँणलाई नै टिकट दिन सुझाएका थिए । रुपन्देही ३ को निर्वाचनमा खाण राष्ट्रिय प्रजातन्त्र पार्टीका उम्मेदवार दीपक बोहोरासँग पराजित भएका थिए ।

बोहराको निधन भएपछि निर्वाचन आयोगले आगामी कात्तिक १७ गतेका लागि निर्वाचनको मिति तय गरेको छ ।