रुस–युक्रेनका वार्तामा शान्तिबारे कुरै भएन

काठमाडौं । रूस र युक्रेनका प्रतिनिधिमण्डलबीच भएको वार्तामा शान्ति प्रक्रियाबारे कुरै नभएको बुझिएको छ । टर्कीको इस्तानबुलमा भएको बैठकमा दुई देशबीच युद्धबन्दीको आदानप्रदान गर्ने सहमति भएको बताइएको छ ।

युक्रेनी प्रतिनिधिमण्डलले युद्धविरामका लागि तत्परता व्यक्त गरेका थिए । रूसको शर्तले सम्झौता हुन नसकेपछि वार्ता एक घण्टाभन्दा कम समयमै सकिएको थियो ।