राजावादी आन्दोलनको मोर्चाबाट राजेन्द्र लिङ्देनलाई एक्ल्याइयो, राप्रपा कार्यकर्ता तनावमा

काठमाडौं । तपाईंलाई झट्ट सुन्दा पत्यार नलाग्न सक्छ तर सत्य यो हो कि– राजावादी आन्दोलनबाट राप्रपा अध्यक्ष राजेन्द्र लिङ्देनलाई एक्ल्याइँदैछ । त्यस्तै, राजावादी आन्दोलनका लागि बनेको समितिले लिङ्देनलाई एक्ल्याउन थालेको घटना नयाँ पनि होइन ।

चैत १५ गते तीनकुनेमा भएको आन्दोलनको अपनत्वको विषयमा होस् या अस्तितिर नेपाल बन्द आह्वान गरेर फिर्ता लिँदाको घटना नै किन नहोस् ! नियोजितरुपमा लिङ्देनलाई राजावादी आन्दोलनबाट एक्लो बनाउने प्रयास भइरहेको छ ।

राप्रपाभित्रकै गुटगत राजनीतिकका कारण पनि लिङ्देन अप्ठेरोमा परेका छन् । कुनै बेला गणतन्त्रवदी भइसकेको कमल थापा राजावादी समूहमा हाबी हुँदा राजेन्द्र लिङ्देन किनारा लाग्दै गएका हुन् ।