मुकुल भन्छन्- रवि दाइलाई प्रधानमन्त्रीको अफर आएकै होइन, भ्रम फैलाइयो

काठमाडौं । राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकालले रवि लामिछानेलाई प्रधानमन्त्री बन्न आएको प्रस्ताव अस्वीकार गरेको कुरा निराधार भएको बताएका छन् ।

शुक्रबार उच्च अदालत बुटवलले रविलाई पुर्पक्षका लागि थुनामा राख्न आदेश दिएपछि पक्राउ गर्न राति नै प्रहरी उनको निवास पुगेको थिए । गिरफ्तारीको विषयलाई लिएर केहीबेर उनी र प्रहरी अधिकृतबिच सवाल जवाफ हुँदा आफूले प्रधानमन्त्री बन्न आएको प्रस्ताव अस्वीकार गरेको भन्दै रविले प्रहरी अधिकृतलाई फुली बढुवाको पछि नलागी देशको पक्षमा लाग्न सुझाव दिएका थिए ।

रविको यही अभिव्यक्तिलाई लक्षित गरी ढकालले आफ्नो धारणा आइतबार सामाजिक सञ्जालमार्फत सार्वजनिक गरेका हुन् ।