प्रतिवेदनमा फरक मत राख्ने रविको प्रयास असफल, भकानिए शिशिर खनाल

काठमाडौं । बहुचर्चित सहकारी घोटलासम्बन्धी प्रतिवेदनमा रास्वपा सभापति रवि लामिछानेले फरक मत राख्न खोजेको तर नपाएको खुलेको छ ।

घोटला छानबिनका लागि बनाइएको संसदीय समितिले संसदलाई प्रतिवेदन बुझाउनुअघि लामिछानेले फरक मत राख्न खोजेका थिए ।

समितिले प्रतिवेदनलाई अन्तिम रुप दिइरहेका बेला लामिछानेले माओवादीका नेताहरुलाई आफ्नो फरक मत राख्ने वातावरण बनाइदिन आग्रह गरेका थिए । तर, माओवादीले पनि उनको प्रस्ताव अस्वीकार गरिदियो ।

त्यसपछि बाध्य भएर रास्वपाका सांसद शिशिर खनालले भकानिँदै प्रतिवेदनमा हस्ताक्षर गरेका थिए । लामिछाने सहकारी रकम हिनामिनामा मुछिएकै कारण छानबिन समिति बनेको थियो ।

छानबिन समितिले लामिछाने प्रबन्ध निर्देशक रहेको गोरखा मिडिया नेटवर्कमा ६ वटा सहकारीबाट अवैध रुपमा ६५ करोड आएको र त्यसरी रकम आउँदा संस्थाको शेयर धनीका हिसाबले लामिछानेले पनि दायित्व बहन गर्नुपर्ने ठहर गरेको छ ।