जापानविरुद्धको पुटिन र किमसहित २६ देशका शीर्ष नेताहरू सहभागी हुने

काठमाडौं । जापानविरुद्धको भिक्ट्री परेडमा २६ देशका शीर्ष नेताहरू सहभागी हुने भएका छन् । राष्ट्रपति सी जिङपिङको निमन्त्रणामा चीनको बेइजिङमा सेप्टेम्बर ३ मा आयोजना हुने भिक्ट्री परेडमा नेपालसहित २६ देशका कार्यकारी प्रमुख तथा नेताहरू उपस्थित हुने बताइएको छ ।

चीनमा सेप्टेम्बर ३ तारिखका दिन भव्य सैन्य परेडसहित कार्यक्रम आयोजना गरिँदैछ । यस कार्यक्रममार्फत जापानी आक्रमणविरुद्धको चीनको जनयुद्ध तथा विश्व फासिवादविरोधी युद्धमा विजय हासिल भएको ८० वर्ष पूरा भएको दिनलाई स्मरण गरिनेछ ।