काठमाडौं । राष्ट्रिय शिक्षा दिवस २०८१ को अवसरमा बागमती प्रदेशका संस्थागत विद्यालयतर्फबाट माध्यमिक शिक्षा परीक्षा (एसईई)को नतिजामा तृतीय स्थान प्राप्त गर्दै गोकर्णेश्वर लाइट एकेडेमी बागमती प्रदेश सरकारबाट नगद ७० हजार रुपैयाँसहित सम्मानित भएको छ । बागमती प्रदेश सामाजिक विकास मन्त्रालयले राष्ट्रिय शिक्षा दिवसको अवसरमा गोकर्णेश्वर लाइट एकेडेमीलाई पुरस्कृत गरेको हो ।
जसमा ३ जना विद्यार्थीको ४.०० जिपिएसहित ३.७७औसत जिपिए प्राप्त गर्दै गोकर्णेश्वर लाइट एकेडेमी बागमती प्रदेशमा तृतीय भएको हो । मन्त्रालयले २०८० सालको माध्यमिक शिक्षा परीक्षा (कक्षा १०) मा कम्तिमा ३५ जना परीक्षार्थी सहभागी गराएको हुनुपर्ने प्रमुख मापदण्ड बनाएर नतिजा निकालेको थियो । त्यस्तै, विद्यालयले प्राप्त गरेको औसत जिपिएलाई सूत्रबाट गणना गरी नतिजा निकालेको मन्त्रालयले जनाएको छ ।
गोकर्णेश्वर नगरपालिका वडा नम्बर ४ स्थित माकलबारीमा रहेको उक्त विद्यालयले एसएलसीदेखि एसईईसम्म आइपुग्दा उत्कृष्ट नतिजा हात पार्दै आएको छ । गत वर्षका एस इ इ नतिजामा उत्कृष्ट ल्याए पनि कम विद्यार्थी सङ्ख्या भएको कारण यो सम्मान पाउँनबाट बन्चित भएको विद्यालयका प्रधानाध्यापक सौर्य आचार्यले जानकारी दिए ।
सिन्धुपाल्चोक ईन्द्रावति गाँउपालिका वडा नम्बर ५ मा जन्मिएर काठमाडौमा शैक्षिक अभियान्ताका रुपमा अगाडि बढेका आचार्यको कुशल ब्यवस्थापनका कारण गोकर्णेश्वर लाईट एकेडेमीमा पढाइका साथै अन्य अतिरिक्त क्रियाकलाप र प्रविधिमैत्री शिक्षण सिकाइमा समेत निकै अब्बल रहेको छ हाल विद्यालयमा १००० भन्दा बढी विद्यार्थी अध्ययन गर्छन् ।
हेटौडामा आयोजजित कार्यक्रमा बागमति प्रदेशका मुख्यमन्त्री बहादुर सिंह लामा तामाङ ले नगद सहित सम्मान गरेका थिए ।
