बलात्कार आरोपमा पक्राउ परेका सशस्त्र प्रहरी हिरासतमै मृत भेटिए

काठमाडौं । दाङमा बालिका बलात्कार मुद्दामा पक्राउ परेका एक सशस्त्र प्रहरीले हिरासतमै आत्महत्या गरेका छन् ।

भालुबाङमा बालिका बलात्कारको अभियोगमा सशस्त्र प्रहरीका रेवन पचभैया शुक्रबार पक्राउ परेका थिए । उनले आफैँले लगाएको कपडाको पासो बनाई वडा प्रहरी कार्यालयको हिरासतमै झुन्डिएर आत्महत्या गरेको प्रहरीले जनाएको छ ।

प्युठान बडडाडा घर भएका सशस्त्र प्रहरी जवान पचभैयाले गन्जी र टिसर्टको पासो लगाएर हिरासतको शौचालयमा झुन्डिएर आत्महत्या गरेका हुन् । उनले प्रहरीसँगको बयानमा बालिका बलात्कार गरेको स्वीकार गरेको थिए ।