गुडिरहेको माइक्रो बसमाथि पहिरो खस्यो, सात यात्रु घाइते

काठमाडौं । धादिङमा यात्रु बोकेर गुडिरहेको एउटा माइक्रो बसमाथि पहिरो खसेको छ । पहिरोसँगै खसेको रुखले माइक्रोबसलाई थिच्दा ७ यात्रु घाइते भएका छन् ।

धादिङबेंसीबाट काठमाडौं आउँदै गरेको बागमती प्रदेश ०१–००६ ख ६५१२ नम्बरको इलेक्ट्रिक माइक्रोबसमाथि पहिरो खसेको हो ।

गजुरी–५ जरेखोला नजिकै पहिरोसँगै रुख ढलेर माइक्रो बसमाथि बजारिएको थियो ।

घाइतेहरुलाई उपचारका लागि गजुरी अस्पताल लगिएको छ ।