कहाँ पुग्यो फोहोरबाट बिजुली निकाल्ने बालेनको योजना ?

काठमाडौं । स्थानीय निर्वाचनताका काठमाडौं महानगरको मेयरका उम्मेदवार बालेन साहले फोहोर व्यवस्थापनलाई मुख्य नारा बनाएका थिए । यतिसम्म कि उनले काठमाडौंको फोहोरबाट पाँच मेगावाटसम्म बिजुली निकाल्ने घोषणा नै गरेका थिए ।

त्यस्तै महत्वाकांक्षी कुरा सुनेर काठमाडौंका अधिकांश मानिसले बालेनलाई भोट हाले । तर उनी मेयर भएको करिब तीन वर्ष भयो तर फोहोरबाट बिजुली निकाल्ने कुरा त कहाँ हो कहाँ, फोहोर फाल्ने ठाउँकै अभाव हुन थालेको छ ।

अहिले बन्चरेडाँडाका स्थानीयले फोहोर फाल्न नदिने भनेपछि काठमाडौं उपत्यकाको फोहोर व्यवस्थापन निकै ठूलो चुनौतीको विषय बनेको छ । यतिसम्म कि, बन्चरेडाँडाका स्थानीयले ‘बालेन हराएको सूचना’ नै जारी गर्न थालेका छन् ।