अदालतले जोगाइदियो सांसद देवकोटाको पद

काठमाडौं । सर्वोच्च अदालतले गण्डकीका सांसद फणिन्द्र देवकोटाको पद जोगाइदिएको छ ।

सोमबार न्यायाधीश प्रकाशमान सिंह राउतको एकल इजलासले देवकोटालाई माओवादी केन्द्रले गरेको कारबाही कार्यान्वयन नगर्न र सांसदको रुपमा काम गर्न दिन अन्तरिम आदेश दिएसँगै उनको पद जोगिएको हो ।

ह्वीप उल्लंघन गरेर मुख्यमन्त्री सुरेन्द्रराज पाण्डेलाई विश्वासको मत दिएपछि माओवादी केन्द्रले उनलाई कारबाही गरेको थियो ।